“မကွေးမြို့နယ်​မှာ Covid 19 ပိုးကူးစက်ခံရသူတစ်ဦး စစ်ဆေးတွေ့ရှိ”

မကွေး စက်တင်ဘာ ၁
“မကွေးမြို့နယ်​ လျှောင်းတော်ဦးကျေးရွာမှာ Covid 19ပိုးကူးစက်ခံရသူတစ်ဦး စစ်ဆေးတွေ့ရှိတယ်လို မကွေးတိုင်းပြည်သူ့ကျန်းမာရေးဦးစီးဌာနက သိရပါတယ်။
“ကျွန်တော်တို့ အောက်တို့ဘာ ၃၁ရက်ည ၁၁ နာရီလောက်မှာ သိခဲ့ရတာပါ၊ မကွေးမြို့နယ် ၊ လျောင်းတော်ဦးရွာက အသက် ၃၅ နှစ်အရွယ်အမျိုးသားမှာ Covid 19ပိုးတွေ့ရှိထားပါတယ်၊ ရောဂါပိုးတွေ့ရှိတဲ့ရာဇဝင်ကိုတော့ သေချာမသိရသေးပါဘူးလို့ မကွေးတိုင်းပြည်သူ့ကျန်းမာရေးဦးစီးဌာန၊ လက်ထောက်ညွှန်ကြားရေးမှူးဒေါက်တာခင်မောင်သန်းက ပြောပါတယ်။
အဆိုပါပိုးတွေ့သူဟာ ယာဥ်မောင်းတစ်ဦးဖြစ်ပြီး ရခိုင်ပြည်နယ် ၊ ကျောက်တော်၊ ပုဏ္ဏားကျွန်း
မြို့နယ်ဘက်ကို ပန်းရံအလုပ်သမားတွေ
သွားပို့ပြီး ပြန်လာခဲ့သူဖြစ်တယ်လို့ သိရပါတယ်၊ သူ့လို ယာဥ်မောင်းသုံးဦးကို ပိုး ရှိ မရှိ စစ်ဆေးခဲ့တာဖြစ်ပြီး ကျန်နှစ်ဦးမှာတော့ ပိုးတွေ့ခဲ့ခြင်း မရှိဘူးလို့ သိရပါတယ်။
“သူနဲ့ ထိတွေပတ်သက်သူတွေကိုလည်း ကျန်းမာရေးစစ်ဆေး စောင့်ကြည့်မှုတွေ ဆက်လုပ်သွားမယ်လို့ ပြည်သူ့ကျန်းမာရေး ဦးစီးဌာနက သိရပါတယ်။
“အဆိုပါပိုးတွေ့လူနာဟာ မကွေးတိုင်းရဲ့ ၄ ယောက်မြောက် ပို့တွေ့လူနာဖြစ်ပြီး သူ့အရင် ပိုးတွေ့ခဲ့ဖူးတဲ့
မြို့သစ် ၊ တောင်တွင်း နဲ့ သရက်မြို့နယ်က
သုံးဦးကတော့ နှစ်​ကြိမ်ထပ်စစ်တဲ့အခါမှာ
ရောဂါပိုးမတွေ့ရတော့ဘူးလို့ ကျန်းမာရေး တာဝန်ရှိသူတွေက အတည်ပြုထားပါတယ်။
“မကွေးတိုင်းမှာ ရခိုင်ပြန်တွေအပါအဝင် ကန့်သတ် စောင့်ကြည် Quarantine ထားသူ ​လူဦးရေ ၁၃၀၀ ခန့်ရှိတယ်လို့ ပြည်သူ့ကျန်းမာ ရေး ဦးစီးဌာနက သိရပါတယ်။
ရွာသား(မကွေး)
မကွေးဂျာနယ်